24-февралдан тарта Бишкектин Дэн-Сяопин проспектисинин Фучик көчөсүнөн Алыкулов көчөсүнө чейинки түштүк тилкесинде оңдоо иштери башталат. Бул тууралуу шаар мэриясы кабарлады.

Оңдоо иштеринен улам 4,458 чакырым аралык убактылуу жабылат. Мэри суу түтүктөрүн алмаштыруу зарылдыгына байланыштуу жумуштар белгиленген мөөнөттөн эрте башталып жатканын билдирди. Ошондой эле жол катмарын алуу, жолду кеңейтүү, бордюрларды жана асфальт катмарын жаңылоо иштери аткарылат.

Графикке ылайык, оңдоо иштери үч этапка бөлүнүп, жолдун участокторун бир айдын ичинде этап-этабы менен ачуу пландаштырылган.