Бишкек шаарынын Достук айылында 750 орундуу жаңы мектептин курулушу аяктады. Бул тууралуу Курулуш министрлиги билдирди.

Окуу жайдын курулушу 2026-жылдын февраль айында башталып, республикалык бюджеттин эсебинен каржыланган.

Имарат үч кабаттан турат, жалпы аянты 6 миң 500 чарчы метрди түзөт. Мектепте окуу класстары, лабораториялар, китепкана, кампасы бар ашкана, жыйындар залы жана спорт залы каралган.

Учурда имараттын курулуш иштери бүтүп, ички жасалгалоо, эмеректерди жайгаштыруу жана айланасын тартипке келтирүү иштери аткарылууда. Объект аймактагы окуучулардын билим алуусу үчүн орундарды камсыз кылууга багытталган.