Бишкек шаарынын Калыс-Ордо конушундагы №86 мектептин 650 орундуу жаңы окуу имараты курулду. Бул тууралуу Курулуш, архитектура жана турак жай-коммуналдык чарба министрлиги маалымдады.

Объекттин курулушу 2026-жылдын март айында башталган. Имарат үч блоктон турат жана анын жалпы аянты 1217 чарчы метрди түзөт.

Корпуста окуу класстары, лабораториялар, китепкана, ашкана, дарыгердин бөлмөсү, жыйындар залы, эмгек кабинеттери жана спорт залы каралган.