Кытайдын Улуттук күнүнө жана Күз ортосу майрамына байланыштуу кыргыз-кытай мамлекеттик чек арасындагы өткөрүү пункттары убактылуу жабылат. Бул тууралуу Кыргызстандын Мамлекеттик чек ара кызматы билдирди.

Маалыматка ылайык, «Эркечтам-автожол» жана «Торугарт-автожол» өткөрүү пункттарында төмөнкү күндөрү чек ара аркылуу жарандар жана транспорт каражаттары өткөрүлбөйт:

• 25-сентябрь саат 22:00дөн 26-сентябрь саат 08:00гө чейин;
• 1-октябрь саат 22:00дөн 4-октябрь саат 08:00гө чейин.

Чек ара кызматы жарандарды, жүк ташуучуларды жана тышкы экономикалык ишмердүүлүктүн катышуучуларын сапарларды жана ташууларды ушул өзгөртүүлөрдү эске алуу менен пландаштырууга чакырды.