Эмгек, социалдык камсыздоо жана миграция министрлиги билдиргендей, министрлер Кабинетинин 2025-жылдын 23-октябрындагы №692 токтому менен өлкөдөгү бийик тоолуу аймактарда жайгашкан калктуу конуштардын жаңы тизмеси расмий түрдө бекитилди.

Бул тизмеге Нарын, Ош, Жалал-Абад, Баткен, Ысык-Көл, Талас жана Чүй облустарындагы ондогон райондор кирген. Алардын катарына Алай, Ат-Башы, Ак-Талаа, Чоң-Алай, Жумгал, Кочкор, Жети-Өгүз, Тоң, Талас, Суусамыр сыяктуу бийик тоолуу айыл-аймактар бар.

Бийик тоолуу конуштардын статусу — ал жерлерде жашаган жарандарга кошумча социалдык жана экономикалык жеңилдиктерди (мисалы, жөлөкпул, салык жеңилдиктери жана эмгек шарттары боюнча артыкчылыктар) берүү үчүн маанилүү.