Кыргызстандык боксчу Алмаз Орозбеков Кытайдагы эл аралык мелдеште алтын медаль утту. Бул тууралуу Дене тарбия жана спорт департаментинен билдиришти.

Мелдеш Үрүмчү шаарында өтүп, 9-октябрда жыйынтыкталды.

Орозбеков 67 кг салмакта күч сынашып, алтын байгенин ээси болду.

Буга чейин ушул эле мелдеште кыргызстандык мушкерлер эки алтын, төрт коло утканы кабарланган. Алтын байгеге Анвар Хожиев (48 кг) жана Санжар Сейдакматов (57 кг) татыган. Ал эми коло байгени Ислам Төрөбаев (57 кг), Мирзахид Имамназаров (63,5 кг), Сагын Сатыбалды уулу (80 кг) жана Бакыт Токтосун уулу (92 кг) тагынган.

https://reporter.kg/kyrgyzstandyk-bokschular-kytajdagy-meldeshte-eki-altyn-tort-kolo-uttu/