Азыркы учурда 69 окуучу жана 24 мугалим коронавирус инфекциясы менен жабыркап жатат. Бул тууралуу Бишкек шаардык мэриясынын билим берүү бөлүмүнүн башчысы Эльмира Иманалиева билдирди.

Анын айтымында, 26-апрлелде 4 мектепте карантин чаралары алынып, кайрадан окуу улантыла баштады.

“Учурда 14 мектеп карантинге жабылгандыктан окуу процесси онлайн улантылууда. Эпидемиологиялык абалды эске алуу менен 29-апрелде карантинге жабылган мектептердин бирин, ал эми 4-майда 8 мектепти ачууну пландап жатабыз. Мындан сырткары эки бала бакча карантинге жабылган”, – деди Эльмира Иманалиева.