Кыргызстандын президенти Садыр Жапаров Жалал-Абад облусунун Манас шаарынын мэри Абдупата Маткаликовду кызматынан бошотуу тууралуу тескемеге кол койду.

Президенттин администрациясы билдиргендей, чечим Кыргызстандын Конституциясынын 71-беренесине жана «Жергиликтүү мамлекеттик администрация жана жергиликтүү өз алдынча башкаруу органдары жөнүндө» мыйзамдын 47-беренесине ылайык кабыл алынды.

Маткаликов башка жумушка өткөндүгүнө байланыштуу ээлеген кызматынан бошотулганы такталды. Ал Манас шаарынын мэри кызматын 2026-жылдын февраль айынан бери аркалап келген.