Борбордук шайлоо комиссиясы парламенттик кайра шайлоо өткөрүү тууралуу чечимди жокко чыгарган соттун токтомуна каршы даттанат. Бул тууралуу БШКнын маалымат кызматы билдирди.
Белгилей кетсек, БШК 4-октябрдагы парламенттик шайлоонун жыйынтыгы жокко чыккандан кийин кайра шайлоо өткөрүүнү 20-декабрга белгилеген.
22-октябрда Жогорку Кеңеш жыйынга чогулуп, парламенттик кайра шайлоону токтото туруу жөнүндө мыйзам долбоору кабыл алышкан.
Бишкектин Биринчи май райондук соту 24-декабрда БШКнын кайра шайлоо өткөрүү боюнча токтомун жокко чыгарган.
Белгилей кетсек, 4-октябрда өткөн парламенттик шайлоонун жыйынтыгына нааразы болгон партиялар 5-октбрда митингге чыгып, нааразылыкка уланган окуялар, башаламандык, саясий кризис жана бийликтин алмашуусу менен аяктады.
