Бишкек шаарында «Тазалык» муниципалдык ишканасына 22 даана атайын техниканы тапшырылды. Аземге борбор калаа мэри Айбек Жунушалиев катышты.

Мэриянын маалыматында, ишканага 11 даана МАЗ үлгүсүндөгү таштанды ташуучу унаа, 1 даана «Шумкар» таштанды ташуучу унаасы, 5 даана «Хово», 1 даана «Дамас» жана 4 даана «Лабо» автоунаасы берилди. Аталган техникаларды кошкондо, «Тазалык» ишканасынын карамагындагы атайын автотранспорттун жалпы саны 400дөн ашты.

Мындан тышкары, жетишилген макулдашуулардын негизинде 15-октябрга чейин Минск шаарынан дагы 3 даана атайын техника жеткирилери пландалып жатканы айтылды.

Техникалардын көбөйүшү калаанын аймагын санитардык тазалоо жана тиричилик калдыктарын графикке ылайык чыгаруу иштерин жакшыртууга шарт түзөт.