Агартуу министрлиги мектептердин 8-класстары үчүн «Математика» окуу китептери, ал эми 1-класстар үчүн ушул эле предмет боюнча иш дептерлери басылып чыкканын билдирди. Окуу китептер «Учкун» ААК басмасында басылып чыккан.

Маалыматка ылайык, окуу китептер төмөнкүдөй көлөмдө басылып чыккан:

• 8-класстар үчүн «Математика» окуу китеби:
  • кыргыз тилинде окуган класстарга 93 750 нуска;
  • орус тилиндеги класстарга 58 725 нуска.

• 1-класстар үчүн «Математика» иш дептерлери:
  • кыргыз тилиндеги класстарга 109 600 нуска;
  • орус тилиндеги класстарга 70 560 нуска.

Агартуу министрлиги жакынкы аралыкта аталган окуу китептери жана иш дептерлери өлкөнүн жалпы билим берүү уюмдарына жеткирилерин кошумчалады.