Бүгүнтөн баштап борбордо жаңы №66 электробус маршруту каттай баштайт, ал «Көлмө» турак жай массивин 8-чи кичи району менен байланыштырмакчы. Бул тууралуу Бишкек шаары мэриясынын басма сөз кызматынан билдиришти.

Жаңы маршрут Мидин көчөсү, Махатма Ганди көчөсү, Жаш Гвардия бульвары, Чүй проспектиси, Бейшеналиев көчөсү, Киев көчөсү, Байтик Баатыр проспектиси аркылуу өтүп, Токомбаев проспектиси менен улантып, акыркы токтоочу жай — 8-чи кичи районуна жетет.

Мэрия белгилегендей, электробустар ыңгайлуу отургучтар, кондиционер системасы жана USB зарядкалар менен жабдылган, бул жүргүнчүлөргө сапарларды дагы ыңгайлуу кылат.