Бүгүн Кыргызстан боюнча кыргыздын улуттук музыкалык аспабы – Комуз күнү майрамдалууда. Бул тууралуу Маданият, маалымат жана жаштар саясаты министрлиги билдирди.

Маалыматка ылайык, министрликке караштуу балдар музыкалык жана искусство мектептеринде, ошондой эле жергиликтүү маданият үйлөрүндө бул күнү концерттик программалар жана майрамдык иш-чаралар өтүүдө.

“Талас, Нарын, Ысык-Көл, Ош, Баткен, Жалал-Абад жана Чүй облусундагы ондогон мектептерде жана маданий жайларда комузчулардын аткаруулары, фольклордук ансамблдердин концерттери, элдик күүлөр жаңырып, улуттук аспабыз ардакталды”,- деп билдирди министрлик.

Комуз күнү кыргыз элинин маданий биримдигин жана улуттук мурастын улуулугун даңазалаган маанилүү майрам болуп эсептелинет.