Бүгүн, 24-майда президент Садыр Жапаров Орусиянын лидери Владимир Путин менен Сочиде жолугат.

Маалыматка таянсак, Орусия менен Кыргыз өлкөсү соода-экономикалык, аскердик-техникалык, маданий-гуманитардык жана башка тармактарда өз ара иштешүү талкууланат.

Белгилей кетсек, Жапаров президент болгондон кийин 24-февралда алгачки иш сапарын Орусияга баруу менен баштаган. Анда эки өлкөнүн башчылары ар тараптуу кызматташтыктын актуалдуу маселелерин, өлкөлөрдүн өз ара байланышын өнүктүрүү келечегин талкуулап, бир нече документтерге кол коюлган.