Бүгүн, 7-мартта Жалал-Абад облусунун Чаткал районундагы Ала-Бука – Жаңы-Базар – Кировка унаа жолунун 74-чакырым аралыгында кар көчкү түшүп, саат 15:00дөн тарта жол жабылды. Бул тууралуу ӨКМ билдирди.

Маалыматка ылайык, аталган жолдун 85-87 чакырым аралыгына, ошондой эле Красная-Горка – Ак-Таш унаа жолунун 1-4 чакырымына чейинки аралыкта кар көчкү түшүү кооптуулугу жаралган. Мындан улам аба ырайы турукташканга чейин унааларга чектөө киргизилген. 34-101-чакырымдарында ИИМдин кызматкерлери тарабынан атайын посттор уюштурулган.