23-24-март күндөрү Черногориянын вице-премьер-министри жана тышкы иштер министри Эрвин Ибрагимович Кыргызстанда расмий сапар менен болот. Бул тууралуу КРдин Тышкы иштер министрлиги билдирди.

Сапардын алкагында ал Кыргызстандын тышкы иштер министри Жээнбек Кулубаев менен сүйлөшүүлөрдү жүргүзөт. Ошондой эле өлкө жетекчилиги менен жолугушат.

Эки өлкөнүн тышкы иштер министрлери саясий, соода-экономикалык жана маданий-гуманитардык чөйрөлөрдө кызматташуунун келечегин талкуулашат. Мындан тышкары эл аралык жана аймактык күн тартиби, эл аралык уюмдардын алкагындагы өз ара аракеттенүү маселелери боюнча пикир алмашуу күтүлүүдө.