.svg){kind=logo}
Кыргызстан Борбор Азиянын климаттык стратегиясынын катчылыгын Бишкекте жайгаштырууну сунуштадыМинфин менен АӨБ 2026-жылдын биринчи жарым жылдыгында долбоорлордун ишке ашырылышын талкууладыКүн күркүрөп, жаан жаап, шамал күчөйт: 23-августка карата аба ырайыТаласта «Баластан» балдар борборунун курулушу 90% аяктадыКөчмөндөр оюндарына билет жетпей калган сатып алуучуларга акчасы кайтарылатБишкекте Көчмөндөр оюндарынын ачылыш репетициясына байланыштуу 22-августта жол кыймылы чектелет
Чет элдик номурлуу автоунааларды 15-марттан тарта каттоо сунушталды
07.03.2025 | 16:42
Чет өлкөлөрдөн ташып келинген жана мамлекеттик каттодон өтпөгөн автоунааларды 2025-жылдын 15-мартынан баштап 15-сентябрга чейин убактылуу мыйзамдаштыруу тартиби сунушталды. Токтом долбоор коомдук талкууга коюлду.
Аны Транспорт каражаттарын жана айдоочулук курамды каттоо боюнча мамлекеттик агенттик иштеп чыккан.
Токтом долбоор өлкөгө 2024-жылдын 31-декабрына чейин кирген унааларга гана тиешелүү. Каттоо үчүн 100 миң сом өлчөмүндө жыйым каралган. Ошондой эле мыйзамдаштырылган автоунааларга регион графасында «10» коду менен Кыргызстандын мамлекеттик каттоо номери берилет.
Токтом долбоору төмөнкү көйгөйлөрдү чечүү максатында иштелип чыккан:
- каттоосу жок автоунааларды эсепке алуу мүмкүн эмес;
- салыктарды жана жыйымдарды төлөөдөн бюджетке түшкөн каражаттар төмөн;
- каттоосу жок автоунааларды укукка каршы пайдалануу тобокели;
- жол кыймылынын жана коопсуздуктун эрежелерин бузуу ыктымалы.
Токтом долбоорго ылайык, төмөнкү учурларда автоунааларды мыйзамдаштырууга болбойт:
- автоунаа издөөдө жүргөн болсо;
- 2024-жылдын 31-декабрынан кийин ташып киргизилсе;
- автоунаада чет мамлекеттин мамлекеттик каттоочу номердик белгилери жок болсо.
Рубрики: Жаңылыктар, Коом
