Ысык-Көл облусунун Чолпон-Ата шаарындагы маркум Көлбаев менен байланышы бар болгон жаран тарабынан менчиктештирилген «Уют» жана «Уют плюс» мейманкана комплекстери мамлекетке кайтарылды. Бул тууралуу УКМК билдирди.

Маалыматта айтылгандай, К.К.А. аттуу жаран аталган мейманкана комплекстерин, ошондой эле үч кабаттуу коммерциялык жайды кылмыш жолу менен сатып алып, мыйзамдаштырып алганын аныкталган.

“Ал буга чейин маркум кримтөбөл Камчы Көлбаевдин жакын шериги болгон жана анын кылмыш жолу менен табылган акча каражаттарын легалдаштырууга жана адалдоого катышып жүргөн”,- деп билдирди атайын кызмат.

Жүргүзүлгөн иликтөөнүн натыйжасында К.К.А. жогоруда аталган мүлктү Чолпон-Ата шаардык мэриясынын балансына өткөрүп берген.