Улуттук коопсуздук боюнча мамлекеттик комитет (УКМК) тарабынан Ысык-Көлдүн Чолпон-Ата шаарында ишкерден акча опузалап талап кылууга шектелген топ кармалды.

Атайын кызматтын маалыматында, 6-августта 25 жаштагы А.у.А. аттуу жаран жергиликтүү ишкерден акча алып жаткан учурда, кылмыш үстүндө, кармалган. Андан аркы ыкчам издөө иштеринин натыйжасында анын дагы үч шериги: 23 жаштардагы Д.у.К., М.Ш.М. жана 24 жаштагы А.Э.К. колго түшүрүлгөн.

Тергөөнүн маалыматы боюнча, кармалгандар ишкерди күч колдонуу менен коркутуп, ири суммадагы каражат талап кылышкан.

Бул факт боюнча Кылмыш-жаза кодексинин «Уюшкан топ тарабынан жасалган опузалоо» беренеси менен кылмыш иши козголду. Учурда тиешелүү тергөө иштери жүрүүдө.