Өзбекстан Республикасынын премьер-министри Абдулла Арипов байкоочу мамлекеттин делегация башчысы катары Евразия өкмөттөр аралык кеңешинин (ЕКӨК) кезектеги жыйынына катышуу үчүн Кыргызстанга келди.

Кыргызстандын Министрлер кабинетинин басма сөз кызматы билдиргендей, “Ысык-Көл” эл аралык аэропортунан Абдулла Ариповду Министрлер кабинетинин төрагасынын орун басары Эрлист Акунбеков тосуп алды.

Эске салсак, 6-7-август күндөрү Ысык-Көл облусунун Чолпон-Ата шаарында Евразия экономикалык биримдигине мүчө мамлекеттердин премьер-министрлеринин, ошондой эле байкоочу мамлекеттердин делегация башчыларынын катышуусунда Евразия өкмөттөр аралык кеңешинин кезектеги жыйыны өтүүдө.