15–16-август күндөрү Чолпон-Ата шаарындагы Чыңгыз Айтматов атындагы «Рух-Ордо» маданий борборунда «Ысык-Көлдүн жээгинде балет кечеси» өтөт. Бул тууралуу Маданият, маалымат жана жаштар саясаты министрлиги кабарлады.

Эки күндүк программада дүйнөлүк балет классикасынын шедеврлери жана белгилүү спектаклдер тартууланат. Кирүү акысыз.

График:

• 15-август — саат 19:00
• 16-август — саат 16:00

Иш-чаранын максаты – балет өнөрүн жайылтуу, жаш муунга искусствого болгон кызыгууну арттыруу жана Ысык-Көлдү эл аралык маданий аянтча катары таанытуу. Маданий кечелер өлкөнүн биринчи айымы Айгүл Жапарованын колдоосу менен уюштурулууда.