Кылмыштуу дүйнөнүн лидери катары таанылган Камчы Көлбаевге таандык үйлөр мамлекетке конфискацияланып, Чолпон-Ата шаарынын балансына өткөрүлгөн. Калктын социалдык муктаждыктарын эске алуу менен жергиликтүү бийлик бул имараттарды билим берүү тармагына пайдаланууну чечти.

Натыйжада, Көлбаев мурда өзү жашаган үй “Баластан” атындагы 100 орундуу бала бакчага айландырылды. Ал эми ошол эле короодогу атасынын үйүнө Ысык-Көл райондук билим берүү бөлүмү жайгашты.