Кемин районунда болгон жол кырсыгынан атасы жана анын эки жашы жете элек баласы каза болду. Чүй облустук милициясынын маалыматында, кырсык кечээ, 25-июнда, болгон.

Подгорное айылына жакын жерде «Ауди-100» үлгүсүндөгү автоунаа Чоң Чүй каналына түшүп кеткен. Алдын ала маалыматтарга ылайык, суунун агымы катуу болгондуктан, жарандар автоунаадан чыга албай калышкан.

Өзгөчө кырдаалдар министрлигинин куткаруучулары автоунааны суудан чыгарып, маркумдардын сөөктөрүн табышкан.

Окуя Кемин райондук ички иштер бөлүмүнө катталып, текшерүү иштери башталды. Учурда ыкчам-тергөө тобу окуянын жагдайларын тактоодо.