Чүй облусунун Москва районуна караштуу Садовое айылында «Ак-Суу асыл тукум чарбасы» ЖЧКсынын тоок фабрикасы пайдаланууга берилди. Бул туралуу Айыл чарба министрлиги билдирди.

Долбоорду ишке ашырууга 450 млн сом инвестиция тартылып, ишканада 145 жумуш орду түзүлдү. Өндүрүштү баштоо аймактагы айыл чарбасын өнүктүрүүгө жана ички рынокту продукция менен камсыздоого багытталган.

Айыл чарба министрлиги өлкөнүн агроөнөр жай комплексин өнүктүрүүгө багытталган инвестициялык долбоорлорду колдоону улантарын маалымдады.