Эртең, 23-октябрда, саат 10:00дөн 22:00гө чейин Бишкек шаарынын бир бөлүгүндө ичүүчү суу убактылуу өчүрүлөт. Чектөө турак жайларга, мектептерге, бала бакчаларга, медициналык мекемелерге жана башка социалдык-өнөр жай объектилерине тиешелүү. Бул тууралуу борбор калаанын мэриясы билдирди.

Суу төмөнкү көчөлөр менен чектешкен аймакта токтотулат: Айни көчөсү — Жунусалиев көчөсү — Гагарин көчөсү — Абдраимов көчөсү — Жунусалиев көчөсү — Чыңгыз Айтматов проспектиси.

Өчүрүү диаметри 400 мм болгон суу өткөргүч түтүктү оңдоо иштерине байланыштуу жүргүзүлүүдө. «Бишкексууканал» муниципалдык ишканасы тургундар менен мекемелерди ичүүчү сууну алдын ала камдап алууга чакырды.