Чүй проспектисинин ЦУМ аймагындагы тилкесин унаа кыймылы үчүн 12-декабрда ачуу пландалууда. Бул тууралуу УКМК төрагасы объектини текшерип жаткан учурда Old Bishkek долбоорунун жетекчиси Нариман Түлеев билдирди.

Түлеевдин айтымында, башында жолду 6-декабрда ачуу пландалган, бирок жумуштун масштабы Ибраимов көчөсүнө чейин кеңейтилгендиктен, мөөнөт артка жылдырылган.

Ошол эле учурда бишкектиктер толук кандуу алты тилкелүү жолго жазында гана ээ болушат.

«Азыр күн сууктап калгандыктан, асфальт заводдору жабык. Алты тилкелүү жолду жазында жасайбыз. Ал эми каттамды 12-декабрда ачабыз», — деп түшүндүрдү Түлеев.