Кыргызстан менен Индиянын ортосунда жаңы түз авиа каттам ачылды. 2025-жылдын 7-декабрында Нью-Делидеги Индира Ганди атындагы аэропортто ата мекендик Tez Jet авиакомпаниясы аткарган Дели – Бишкек – Дели каттамынын ачылыш аземи өттү.

Иш-чарага Кыргызстандын Индиядагы элчиси Аскар Бешимов катышып, бул окуя эки өлкөнүн ортосундагы ишкердик жана туристтик байланыштарды өнүктүрүү үчүн маанилүү экенин баса белгиледи.

Каттамдар үзгүлтүксүз негизде жумасына бир жолу — жекшемби күндөрү аткарылат. Авиакомпания заманбап жана ыңгайлуу учактарды колдонууну убада кылууда.