Чүй облусунун Аламүдүн районунда баңгизаттарды мыйзамсыз жүгүртүүгө шектелип 23 жана 20 жаштардагы эки чет өлкөлүк жаран кармалды. Бул тууралуу облустук милициядан кабарлашты.

Маалыматка ылайык, шектүүлөр «гашиш» баңгизатын таратуу менен алектенип, жашаган жеринде баңгизат колдонуу үчүн притон уюштурушкан. Тинтүү учурунда алардан 66 грамм «гашиш» табылып алынган. Мындан тышкары, аталган жарандар жашы жете элек кызды баңгизат колдонууга тартканы аныкталган.

Бул факт боюнча Кылмыш-жаза кодексинин 282-беренеси менен кылмыш иши козголуп, шектүүлөр камакка алынды. Учурда тергөө иштери улантылууда.