Чүй: “Электр киргизип берем”- деп акча жымырган киши табылды

Чүй: “Электр киргизип берем”- деп акча жымырган киши табылды

Сокулук районунун Новопавловка айылдарынын биринен электр энергиясын киргизип берем деп тургундардан акча чогултуп, бирок, убадасына турбай из жашырган жаран кармалды. Бул туурасында Чүй облустук милициядан билдиришет.

Маалыматка караганда,  2021-жылдын август айында Сокулук райондук милициясына Новопавловка айылынын 32 жаштагы жашоочусу Ш.М. арыз менен кайрылып, чала тааныш эки жаран 2018-жылы Новопавловка айылындагы жаңы конуштардын биринин тургундарына суу жана электр энергиясын киргизүүнү убада кылышып, 5 миң сомдон 20 миң сомго чейин акча каражаттарын чогултушуп, айткан убадаларын аткарышпай из жашырып кетишкенин билдирген.

Бул факты кылмыштардын бирдиктүү реестрине Кылмыш-жаза кодексинин 210-беренеси (Ишенип берилген мүлктү ыйгарып алуу же коротуу) боюнча катталып, сотко чейинки өндүрүш иштери башталган.

Милиция  кызматкерлери тарабынан жүргүзүлгөн ыкчам издөө иш-чараларынын натыйжасында жогорудагы кылмышка шектелип, С.Д. аттуу жаран кармалган.

Кармалган жарандын үстүнөн дагы 35 ден ашуун факты боюнча териштирүү иштери жүргүзүлүүдө.

 

Поделиться в социальных сетях:

Тема боюнча жаңылыктар

Бардык жаңылыктар >>