Аламүдүндө чөнтөк телефон алдап тартып алган киши кармалды. Бул туурасында Чүй облустук милициядан кабарлашты.

Маалыматка караганда, Аламүдүн райондук милицияга алдамчылык фактысы боюнчка  арыз менен Д.Т. аттуу жаран кайрылып,  белгисиз адамга чара көрүүнү суранган, анткени ал ишенимине кирип, анын 18 000 сомдук «Редми» телефонун алдоо жолу менен ээлеп алган.

Аталган факт Кылмыш-жаза кодексинин 209-беренесинде (Алдамчылык) каралган кылмыштын негизинде Аламүдүн РИИБне катталган. Сотко чейинки териштирүүлөр башталган.

Жүргүзүлгөн ыкчам-иликтөө иш-чараларынын жүрүшүндө милиция кызматкерлери тарабынан мурда соттолгон С.Т 1997-жылы туулган жаран аныкталып, райондук бөлүмгө жеткирилген.

Тергөө иштери уланууда.