Чүйдө жөө адамды өлтүрө сүзүп, окуя жеринен качып кеткен айдоочу кармалды. Бул тууралуу Чүй облусунун Жол кыймылынын коопсуздугун камсыздоо башкармалыгынан билдиришти.
Белгилүү болгондой, 14-ноябрь күнү болжол менен саат 19:20да Бишкек – Нарын — Торугарт айланма унаа жолунун 54,5-чакырымында 48 жаштагы С. Э. аттуу жаранды унаа сүзүп, айдоочу окуя жеринен качып кеткен. Жөө жүргүнчү окуя жеринде көз жумган.
Жол милиция кызматкерлери ыкчам кармоо иштерин жүргүзүп, натыйжада шектүү катары 58 жаштагы М.Т. аттуу жаран кармалган. Андан кийин ал тиешелүү чара көрүү үчүн Ысык-Ата райондук милициянын тергөө кызматына өткөрүлүп берилген
Айдоочунун унаасы айып короосуна токтотулган.
Биздин Телеграм каналга катталыңыз
