Жогорку Кеңештин 18-майдагы жыйынында депутат Арсланбек Малиев почта кызматкерлеринин айлык маянасын жогорулатуу маселесин көтөрдү.
Анын айтымында, алар 1200 сомдон 5000 сомго чейин эмгек акы алышат.
“Бул абдан аз. Бүгүн алардын маянасын көтөрүү маселесин чечип бербесек, почта кызматы иштебей калышы мүмкүн. Ошондуктан тез арада Кыргыз почтасын “Айыл банк” менен бириктирип, “Айыл почта банкы” деп жаңы акционердик коом түзүүнү сунуштайм”, — деди Малиев.
Эл өкүлү мындан улам почта кызматкерлеринин маянасын жогорулатуу маселеси чечилерин айтты.
Биздин Телеграм каналга катталыңыз
