Жогорку Кеңештин депутаты, Агрардык саясат, суу ресурстары, экология жана регионалдык өнүктүрүү боюнча комитетинин төрагасы Аманкан Кенжебаев Айыл-чарба министрлигинин өкүлдөрүнө кошомат кылууну токтотууга чакырды.
“Чакырылган коноктор, “сиз туура айтып жатасыз” деген сөзүңөрдү токтоткулачы, эми кошомат кылганыңарды токтоткулачы. Уят эле болот экен негизи. Эл деле көрүп турат да. “Сиз туура маселе көтөрдүңүз, сиз туура айттыңыз” –деп атасыңар. Берген сунушту депутатыбыз айтып жатат да. Анан ушуга кайра “туура айтып атасыз” – деп. Келгиле, ушуну токтотпойлубу? Качанкыга чейин ушинте беребиз. Жогорку Кеңеште да ушундай жооп берип жатсаңар, силер эми кызматкерсиңар да, жөн эле жооп берсеңер. Силер дагы милдетти мойнуңарга алып жатасыңар. Силер дагы так болгула, биз дагы так бололу”— деди депутат.
