28-майда V Евразия экономикалык форумунун алкагында Евразия экономикалык комиссиясы менен Куба Өкмөтүнүн ортосундагы 2026–2030-жылдарга карата биргелешкен иш-чаралар планына кол коюлду. Документке ЕЭК Коллегиясынын төрагасы Бакытжан Сагинтаев жана Куба Республикасынын вице-президенти Сальвадор Вальдес Меса кол коюшту.

Жаңы беш жылдык план 2025-жылдагы ушундай эле документтин ийгиликтүү аякташынан кийин өнөктөштүктүн логикалык уландысы болуп калды. Тараптардын айтымында, жаңы мезгилдеги негизги милдет эксперттик диалогдон практикалык кызматташтыкты жигердүү өнүктүрүүгө, биргелешкен инвестициялык долбоорлорду ишке киргизүүгө жана ишкер чөйрөлөрдүн ортосундагы түз байланыштарды бекемдөөгө өтүү болмокчу.

Макулдашууну ишке ашыруу Биримдик өлкөлөрүнүн латын америкалык өнөктөш менен экономикалык өз ара аракеттенүүсүн олуттуу кеңейтүүгө багытталган. Эске салсак, Куба 2021-жылдын январынан бери ЕАЭБге караштуу расмий байкоочу мамлекет макамына ээ, бул ага бирикменин күн тартибине жигердүү аралашууга мүмкүндүк берет.