ЕАЭБдин бажы аймагында эл аралык стандарттарга ылайык фитосанитардык иштетүүдөн өткөн жана жыгачтан жасалган таңгактоочу жана бекитүүчү материалдар фитосанитардык сертификат менен коштолуудан бошотулду. Мындай чечимди 9-сентябрда Евразия экономикалык комиссиясынын Кеңеши кабыл алган.

КРдин Айыл чарба министрлигинин маалыматында, буга чейин эл аралык маркировкасы бар болгон учурда да кошумча сертификат талап кылынып келген.

Бул өзгөртүү тариздөө убактысын кыскартууга жана ЕАЭБге мүчө мамлекеттердин ортосунда жүктөрдү ташууну жеңилдетүүгө багытталган. Эл аралык маркировка материалдардын белгиленген талаптарга ылайык иштетилгенин тастыктагандыктан, аталган чара фитосанитардык коопсуздуктун деңгээлине таасирин тийгизбейт.