Кыргызстан эл аралык издөөдө жүргөн чет өлкөлүк жаранды Францияга өткөрүп берди. КРдин Башкы прокуратурасынын маалыматында, бул иш-чара БУУнун Трансулуттук уюмдашкан кылмыштуулукка каршы конвенциясынын негизинде ишке ашкан.

Франциянын укук коргоо органдарынын маалыматы боюнча, аталган жаран кылмыштуу топтун курамында чет элдиктердин Францияга жана Шенген аймагына мыйзамсыз кирүүсүнө көмөктөшкөн деп шектелүүдө.

Экстрадициялоо процесси КРдин Башкы прокуратурасы жана Интерполдун өлкөдөгү Улуттук борбордук бюросу тарабынан ишке ашырылган. Мекеме кылмыш жоопкерчилигинен качып жүргөн адамдарды издөө жана экстрадициялоо боюнча чет мамлекеттер менен кызматташтыкты улантарын билдирди.