Электр чыгырык (электросамокат) тепкендерди көзөмөлдөгөн мыйзам кабыл алынды. Ага президент Садыр Жапаров кол койду.

Мыйзамды Жогорку Кеңеш 24-апрелде кабыл алган. Ага ылайык, Кыргызстанда электр чыгырык жана башка мобилдүү каражат (электрскейтборд, гироскутер ж.б.) менен жол эрежесин бузгандарга 1000 сом, мас болуп айдагандарга 3000 сом айып пул салынат.

Документке ылайык, электр чыгырыктар (ж.б. мобилдүү каражаттар) атайын бөлүнгөн тилке же сызык боюнча, ал жок болгон учурда кыймылдын багыты боюнча жолдун жээгинин оң чети менен жүрүшү керек.