Эмгек кодексине киргизилген өзгөртүүлөргө ылайык, эми эмгек акыны кечиктирген иш берүүчү айып төлөйт.

Эмгек министрлигинин маалыматында, эгерде иш берүүчү эмгек акыны, өргүү акысын, жумуштан бошотуу учурундагы эсептешүүнү же башка төлөмдөрдү кечиктирсе, ар бир календардык күн үчүн төлөнбөй калган сумманын 25%ын кошуп төлөөгө милдеттүү.

Мындан тышкары, эмгек акыны өндүрүү боюнча сотко кайрылуунун мөөнөтү аныкталды. Иш берүүчү каражаттарды өз убагында төлөбөгөн учурда, кызматкердин сотко кайрылып, каражатты өндүрүп алуу үчүн үч жылдык мөөнөтү бар. Бул мөөнөт эмгек акы төлөнүшү керек болгон күндөн тартып эсептелет.