Шопоков шаарында 29 жаштагы эркек киши турак үйдөн 188 миң сом уурдоого шектелип кармалды. Бул тууралуу Чүй облустук милициясы билдирди.

Маалыматка ылайык, 18-сентябрда саат 06:30 чамасында шектүү аталган шаардагы турак жайга кирип, 188 миң сом өлчөмүндөгү акчаны уурдап кеткен. Шектүү уурдоо учурунда видеокөзөмөл камерасына түшүп калган.

Жүргүзүлгөн ыкчам-иликтөө иш-чараларынын натыйжасында Бишкек шаарынын 29 жаштагы тургуну Ж.Т. аныкталып, кармалды.

Жазык-процесстик кодексинин 96-беренесине ылайык ал убактылуу кармоочу жайга киргизилди. Соттун чечими менен шектүүгө карата камакта кармоо бөгөт чарасы тандалды. Учурда тергөө уланууда.