Эмгек, социалдык коргоо жана миграция министрлиги менен “Кыргызстан пенсионерлер союзу” коомдук бирикмеси кызматташуу тууралуу меморандумга кол коюшту. Бул тууралуу министрликтин басма сөз кызматы кабарлады.

Документ улгайган жарандардын укуктарын коргоо, социалдык кызматтардын жеткиликтүүлүгүн жакшыртуу жана алардын коомдук турмушка активдүү катышуусун камсыз кылууга багытталган биргелешкен долбоорлорду ишке ашырууну камтыйт.

Жыйындын жүрүшүндө уюм өкүлдөрү жөлөкпул маселесин, карылар үчүн пансионаттардын жетишсиздигин жана геронтологиялык борбор куруунун зарылдыгын көтөрүштү.