Кыргызстандын энергетика министри Таалайбек Ибраев 17-майда Дүйшөмбүдө өткөн CASA-1000 долбоорунун өкмөттөр аралык кеңешинин жыйынына катышты. Жыйынга Тажикстан, Ооганстан жана Пакистандын энергетика министрлери жана энергетикалык компаниялардын жетекчилери да катышты.

Ибраев CASA-1000 долбоору аркылуу Кыргызстандын аймагында 456 км электр өткөргүч линиясы жана “Датка” көмөкчордонунда кошумча уяча курулганын белгиледи. Ал бул демилге Борбор жана Түштүк Азия өлкөлөрүнүн кызматташуусун бекемдеп, аймакка экологиялык жактан таза энергия алып келерин билдирди.

Жыйын соңунда министрлер CASA-1000ди тездетип ишке киргизүү боюнча токтомго кол коюшту.