Башкы прокуратурага караштуу Сот аткаруучулар кызматы жарандарга карыздарынын бар-жогун жана өлкөдөн чыгууга коюлган чектөөлөрдү текшерүүгө мүмкүнчүлүк берген онлайн-порталды ишке киргизди. Платформа кызматтын ишинин ачыктыгын жогорулатуу жана жарандар өлкөдөн чыгууга тыюу салынганын аэропортто гана билип калуусун алдын алуу максатында түзүлгөн.

Жаңы кызмат аркылуу алдын ала төмөнкүлөрдү билсе болот:

• карыздардын бар-жогун;
• өлкөдөн чыгууга тыюу салуу коюлган-коюлбаганын;
• жооптуу сот аткаруучунун байланыш маалыматтары;
• маселени тез чечүүнүн жолдорун.

Порталды колдонуу үчүн атайын QR-кодду сканерлеп, ИННди киргизип, актуалдуу маалыматты алса болот.

Мекеме жарандарды өз маалыматтарын үзгүлтүксүз текшерип турууга жана зарыл болгон учурда сот аткаруучуларга кайрылып, кеңеш алууга чакырат.