Өткөн сутканын жыйынтыгы боюнча электр энергиясын керектөө 44,6 миллион киловатт-саатты түздү, бул мурунку күндөргө салыштырмалуу керектөөнүн деңгээли төмөндөгөнүн билдирет, – деп кабарлайт Кыргызстандын Энергетика министрлигинин басма сөз кызматы.

22-июлда бул көрсөткүч 48,4 миллион киловатт-саатты түзгөнү такталды.

«2026-жылдын 23-июлуна карата Кыргыз Республикасынын энергетикалык тутуму штаттык режимде иштеп жатат. Электр тармактарында ашыкча күч келүү (перегрузка) жана технологиялык бузулуулар катталган жок», — деп айтылат билдирүүдө.

Министрлик алдыдагы күз-кыш мезгилине (ККМ) даярдык көрүүнүн алкагында электр тармактар комплексинин объекттеринде пландык оңдоо иштери уланып жатканын белгиледи.

«Керектөөчүлөр пландык оңдоо иштеринин графиги менен «УЭТ» ААКтын (НЭСК) расмий сайтынан — www.nesk.kg, ошондой эле «Менин жарыгым» (Мой свет) мобилдик тиркемесинен тааныша алышат», — деп кошумчалады мекеме.

Энергетиктер керектөөчүлөрдү электр энергиясын, өзгөчө күч келген (пик) сааттарда сарамжалдуу пайдаланууга чакырды, анткени бул энергетика тутумунун ишенимдүү жана туруктуу иштешине өбөлгө түзөт.