Бүгүн, 2-октябрда, Жапониянын Айти-Нагоя шаарында өтүп жаткан XX Азия оюндарында кыргызстандык дзюдочу Эрлан Шеров күмүш медаль жеңди. Ал 90 килограммга чейинки салмак категориясында күч сынашты. Бул тууралуу Дене тарбия жана спорт агенттиги билдирди.

Шеров алгачкы беттешинде Шри-Ланканын өкүлү Мишеал Анджало Милан Маркону мөөнөтүнөн мурда «иппон» ыкмасы менен жеңген. Чейрек финалда Бириккен Араб Эмираттарынын спортчусу Гаджимурат Омаровду 1 мүнөт 35 секундда уткан. Ал эми жарым финалдык беттеште Өзбекстандын өкүлү Нурбек Муртозоевди 1:0 эсебинде жеңип, финалга чыккан.

Финалда Эрлан Шеров япониялык Рику Окадага 0:1 эсебинде утулуп, Азия оюндарында экинчи орунду камсыз кылды.