Эрназар Акматалиев Дүйнө чемпионатында күмүш байге алды

Эркин күрөш боюнча балбан Эрназар Акматалиев (70 кг) Норвегмянын Осло шаарында өтүп жаткан күрөш боюнча Дүйнө чемпионатында күмүш байге алды.

Акматалиев финалдык беттеште ал польшалык Магомедмурад Гаджиевге 2:1 эсебинде жеңилип калды.

Ал килем үстүнө 4-октябрда чыгып, 70 кг салмакта чемпионаттын тандап алуу баскычынан баштаган. Анын алгачкы атаандашы шри-ланкалык Каруна Пели болуп, аны 10:0 эсебинде жеңген. Мелдештин 1/8 финалында Акматалиев армениялык Арман Андреасянды 11:2 эсебинде жеңип алган.

Андан кийинки чейрек финалда кыргыз балбаны ирандык Эрфан Элахи менен кармашып, акыркы мүнөттөрдө эки балбан тең бири-бирин артка чапканга жетишти. Калыстардын узак чечими менен жеңишти Акматалиев илип кеткен.

Ал эми финалда ал орусиялык Евгений Жербаев менен беттешип, 9:5 эсебинде алдыга чыккан.

 

 

Поделиться в социальных сетях:

Тема боюнча жаңылыктар

Бардык жаңылыктар >>