19-августта Бишкек шаарында Кыргызстандын 2026-жылкы Суперкубогу үчүн беттеш өтүп, аны Караколдун «Барс» клубу жеңип алды. Бул тууралуу Кыргыз футбол биримдиги билдирди.

«Алга» спорт комплексинде кубок үчүн «Барс» клубу Бишкектин «Дордой» командасы менен беттешти. «Дордой» 2025-жылы Кубоктун ээси болгон.

Оюн 2:0 эсебинде «Барс» клубунун жеңиши менен аяктады. Эки голду тең чабуулчу Бекжан Сагынбаев (45+7′, 47′) киргизди. Жеңүүчүлөргө кубокту жана 50 миң доллар өлчөмүндөгү акчалай сертификатты Кыргыз футбол биримдигинин президенти, Министрлер кабинетинин төрагасы Адылбек Касымалиев тапшырды.

Кыргыз Республикасынын Суперкубогу үчүн беттештер 2011-жылдан бери өткөрүлүп келет. «Дордой» клубу бул турнирди 6 жолу жеңип, рекорддук көрсөткүчкө ээ.