Токмак шаарынын 1-кичи районундагы No24 бала бакча муниципалитеттин балансына өттү. Бул тууралуу мэриянын басма сөз кызматы билдирди

«Бала бакча 100 орунга ылайыкталган, келечекте кеңейтүү пландалууда. Бул келечекте көптөгөн адамдар баласын тарбиячылардын көзөмөлүнө берүү мүмкүнчүлүгүнө ээ болушат», – деп билдирди муниципалитеттен.

Маалым болгондой, буга чейин жеке менчикке берилген имараттын жарымы министрлер кабинетинин токтому менен шаарга кайтарылган. Жакынкы арада оңдоп-түзөөдөн өткөрүү пландалууда.