Аламүдүн районунун акими  Таалайбек Жайылов мезгилсиз дүйнөдөн кайтты. Бул суук кабарды Чүй облусунун Аламүдүн райондук администрациясынын фейсбуктагы баракчасына жазды.

Алдын-ала маалыматтарга караганда, бүгүн түнү кан басымы жогорулап, жүрөгү кармап акка моюн сунган.

• Жайылов Таалайбек Ташиевич 1969-жылдын 21-октябрында Токтогул районунун Сары-Сөгөт айылында жарык дүйнөгө келген.
• 1986-жылы орто мектепти аяктаган соң эмгек жолун Нарын совхозунда баштаган.
• 1987-1989-жылдары Советтик армиянын катарына чакырылып, Афганистанда кызмат өтөгөн.
• Жогорку билимдүү, Кыргыз мамлекеттик техникалык университетти аяктаган. 2012-жылы Президенттин алдындагы мамлекеттик башкаруу академиясында менеджмент адистиги боюнча билим алган.
• 1990-2001-жылга чейин Совет совхозунда жумушчу, Шыкмамат айыл чарба коперативинде бухгалтер кызматтарын аркалаган.
• 2001-2008-жылдары Токтогул районунун Бел-Алды айыл аймагынын почта бөлүмүнүн башчысы.
• 2008-2019-жылдары Бел-Алды айыл өкмөтүнүн башчысы.
• 2019-2021-жылдары Токтогул районунун мамлекеттик администрациясынын башчысы-аким.
• 2021-жылдын 22-майынан бери Кыргыз Республикасынын Президенттинин буйругу менен Аламүдүн районуна которулуп келип аким болуп иштеп жаткан.