Чүйдүн Москва районундагы абакка баңгизат ыргытууга аракет кылган жаран кармалды. Бул тууралуу Ички иштер министрлигинен билдиришти.
Маалыматка караганда, милиция жана Жазаларды аткаруу кызматынын кызматкерлери 42 жаштагы Р.А. аттуу жаранды абакка баңгизат өткөрүүгө аракет кылып жатканда колго түшүргөн. Аны текшерүү учурунда жанынан маңзат салынган эки желим бөлөткө жана скотч менен оролгон беш брикет табылып алынган. Алынган зат нашаа жана марихуана баңгизаты болуп чыккан. Анын жалпы салмагы 3 кг 884 граммды түзгөн: 3 кг 40 грамм нашаа жана 844 грамм марихуана.
Аталган фактыга байланыштуу Кылмыш-жаза кодексинин 282-беренесинин 1-бөлүгү боюнча кылмыш иши козголгон.
Шектүү Москва райондук милициянын убактылуу кармоочу жайына камакка алынган.
Биздин Телеграм каналга катталыңыз
