Аламүдүн айылында жайгашкан тигүүчү цехке кол салып, анда иштеген чет элдик жарандарды сабоого шектелип 5 киши кармалды. Бул тууралуу Чүй облустук ички иштер башкармалыгы билдирди.

Милициянын маалыматында, шектүүлөр 18-майда саат 04.00 чамасында цехке кирип, Пакистан, Индия жана Бангладештин жарандарын ур-токмокко алып, алардын акчасын, уюлдук телефонун тартып алышкан. Тигүүчү жайга дагы материалдык зыян келтирилген. 14 чет элдик жаракат калып, үчөө ооруканага түшкөн.

Белгилей кетсек, Ички иштер министрлиги Бишкекте 17-18-майда болгон тополоңдун негизинде массалык башаламандык беренеси менен иш козгон, ага катышкандарды аныктоо жана кармоо иштерин жүргүзүүдө.

Студенттердин алтындарын, айфондорун тартып алышкан. Ректорлор кайрылуу жасады